Marbismillah au jolo
Hu palalu mangkatai
Mangido maaf au parjolo
Ampot adong nahurang lobi
Habang sintar-sintar
Pasang taot dohot sugapa
Jadi ma hi anak na pintar
Halak na taat maragama
Haporas ni sorimadingin
Obanon tu pasir ampolu
Horas tondi madingin
Pir tondi matogu
Piramanuk na dihoboloan
Silalat diginjang sumur
Hobol tondi dohot badan
Salamat panjang umur
Tumbur ni bulu tolang
Nung-neng marbola dua
Simbur laho magodang
Peng-peng laho matua
Disalong bulung sabiH
Dongan ni ampa-paga
Jadi ho anak na sholih
Marguna tu ama dohot ina
Songon i tu nusa dohot bangsa
Pusuk-pusuk ni barungge
Dipargule di tonga ni ari
Bisuk Hita namarsikkola jana dame
Denggan muse marpangarohai
Alogo di kobun-kobun
Marombus di kotu asar
Akkon Na malo on markoum
Muse Na ringgas mar siajar
Gaja-gaja ni Lubukraya
Marsosopan tu aek Marancar
Raja natardok dibana
Sitiop uhum, dohot poda
Hita do si tip-tip tungko di adian
Si suan hatunggal di parbatasan
Sugari bolas ma nian bolas pangidoan
Na pasaut patulus na diangan-angan
Silalat diginjang sumur
Disalong di tonga ari
Salamat panjang umur
Sian on tu ginjang ni ari
