Oleh. Rony Saputra Siregar
1 Oktober 2019
Manyogot marayak torang ari sada anak gadi nabiaso dipio si Sumarni. Muloi pamilas aek mambaen aek naborgo songon kabiasaan nia diganop manyogot. Sumarni, ia ma sada anak gadi nappuna marjuta nipi dohot angan-anagn disada bagas na inda ubana songon istana. Sumarni ima anak gadi nadipagodang di bagasan kaluarga namaradong, tardok sangat maradongna. Tai biama baya bahenon, Sumarni inda bisa pajongjong dot manggorakkon pamatang nia molo naso pake karosi roda, sampe inda jungada tarsarihon ia dibagasan ni bagas nagodang i.
Simatobang nisi Sumarni totop mangacuhkon harana merasa halei ni inda dong nabisa bisa diharapkan sian anak gadi cacat dengan karsi roda tersebut. Sementara sudaro-sudaro nia maila paida-ida sudaro nialai na cacat. Satiop manyogot abis sumbayang Sumarni totop do on dibagasan kamar markurung tai sasakali karosi roda nai margeser baen manattap tu alaman. Anak gadi na marumur 18 tahun i nasangat sonang rohana molo manggambar dialaman mangagoon ngoot-ngot ni ate-ate songoni parkancitan dohot panyosalan. Disada maso madabu mada si Sumarni sian karosi rodania i, tai bia bahenon soadong sada jolma pe na ra manolong si Sumarni pinoomat manguubat roha. Tai bope songoni si Sumarni totop dibagasan kasobaran songoni patogu tondina dohot badanna marusaho jongjong dot manggorakkon sandiri karosi Dihatia tangis dialaman, tiba-tiba roma sada anak gadi mandapotkon ibana. Anak gadi I pe manjalang si Sumarrni torus patandahon gorna tu si Sumarni, goarna Hadija. Pondok carito halai nadua pe mur donak inda ubana namarangkang maranggi , mungkin karena harani halai nadua rap mamboto bia nadirasoi halai, muse halai pe mur jot-jot marcarito.
Disada manyogot martona mada si Hadija tu si Sumarni mangaligi si Sumarni natorus-torus tarida marsak muse jot-jot tarlu-ilu satontang kondisi ni namarhahurangan dipamatangna. “ Sumarni, ingotma kawan sada jolma pe didunia on namarkagiot lahir sio-sio. Mungkin hita inda bisa jonjong pade tarsongon akka dongan nalain. Tai bope songoni, adong dope hak nita aso bisa mangarasoi hasonangan songoon dia nadirasoi hallak nalain i. Cubo ma patogu roohamu baen manarimo kondisi diri nita.” Inda honok sian i, marpamuhun ma si Hadija harana giot mulak tu bagas harana ibana inda bisa honok dilas niari. Dung parsuoan nadilaman I dohot Hadija, Sumarni pe muloi marpikir dohot manyarihon aha na didokkon nisi Hadija.. Sumarni pe marpikir biama aso tondi nia songoni roha nia sai gomos manarimo takdir nadung tarsurat bope akka kaluargana inda dong namanyarihon.
Sumarni pe mancubo manyarihon aha nadidokkon si Hadija bope sasakali manetek ilu nimata mangingot hahurangan naadong dipamatangna. Muloima marpikir ibana bia aso bisa marhasil bope dibagasan hahurangan di pamatang.
Nipi ni si Sumarni ima manjadi Pelukis na marhasil nabisa panaek goar nia soni manjadi sada prestasi boope dibagasan keterbatasan di pamatang.Nipi nia pe sadalon do dohot aha nadibaen ni ibana satiop ari ima sasakali manggambar di sabola jandela ni kamar nia. Kabiasaan nia i dikarejohon ia manombo baen mangubati roha pa ago arsak. Palan-palan muloi ma tarida marrasoki aha nadung dibaen ni si Sumarni borkat kasabaran dohot kasungguhan nia mamposting lukisan nia sian media sosial facebook dohot instagram sampe bahat jolma namangaligi muse markagiot. Sampe disada ari roma sada bayo pengusaha naro tubagas ni si Sumarni namarkagiot aha nadung dilukis dohot digambar si Sumarni, nadiida ibana sian facebook dohot instagram nasangat jogi muse viral. Muse bayoon markagiot aso sude lukisan ni si Sumarni aso dipajang di galeri ni bayo pengusaha on. Hape sude usaha nialai marhasil muse sangat lakuna sampe permintaan ni akka jolma pe mur ma bahat.
Simatobang ni si Sumarni pe longang songoni inda porcaya hape boru nahalai naso jungan disarihon dohot dihaholong hape ido namambaen simatobangna manjadi bangga bope dibagasan namarhahurangan di pamatangna sampe inda taraso manetek ilu ni simatobangni si Sumarni dohot rasa bersalah nialai. Sumarni pe muloi ma bisa mikimsongoni marsonang ni roha mangida simatobangna najuo marsonang nni roha sambil inda lupa si Sumarni mangucap syukur Alhamdulilllah. Sude akka lukisan ni si sumarni pe dipajang ma di Galeri Lukisan ni bayo pengusaha I nadibaen judul “ Nipi ni si sumarni, Makkojar Ari natorang “.
Simatobang ni si Sumari penarkasompatan ro tu Pameran galeri Lukisan ni si Sumarni nadung jadi sitandaan ni akka jolma dijae julu. Simatobangna merasa tarharu songoni marsyukur tu prestasi nadidapot boru nialai bope selama on inda disarihon. Inda taraso aek ni mata turus manetek harana salolot naon inda manyarihn si Sumarni . akhirna si Sumarni bisa marnafas lega soni taraso marsonang niroha songoni muloi bisa menerimo keadaan fisiknya dohot patorus aha rasoki nadung dilehen allah disia, inda lupa torus mangucap syukur tu rasoki nadung dilehen ni Allah, Alhamdulillah.
